Tranter avrigl e zercladur da quest onn èn sulettamain 1314 dumondas d’asil vegnidas inoltradas en Svizra. Quai èn 60% damain ch’en cumparegliaziun cun la medema perioda da l’onn passà, co il secretariat da stadi per migraziun ha communitgà.
La migraziun en l’Europa saja sa reducida fermamain durant il segund quartal scriva il SEM. Motiv sajan tranter auter las mesiras per cumbatter il coronavirus; per exempel controllas als cunfins e scumonds da viadis.