Franar la surconsumaziun ed il cumbat per rabats, quai è la finamira da la petiziun «Stop Black Friday». La petiziun è vegnida lantschada da l'organisaziun Solidar Suisse. Gest dis sco il Black Friday mainian per anc dapli consum senza senn ed uschia era tar dapli emissiuns da CO2. Vitiers vegnia che quels che pajan la finala quai che vegnia spargnà durant quest di sajan ils lavurers e las lavureras che survegnian pervia dals bas pretschs damain paja.
Il Black Friday stat simplamain sco simbol per noss sa cumportament da consum. Igl è dentant pli impurtant a nus ch'ins discuteschia en general davart il consum e na sa focuseschia betg be sin quest di.
Sco Benjamin Gross manegia, dettia bain in moviment persistent e da l'autra vart tuttina adina dapli dis sco il «Black Friday». La petiziun n'haja probabel nagin effect sin la politica. Pli impurtant saja dentant ch'ella fetschia attent e dettia da ponderar davart il consum. Cunzunt era da cumprar be chaussas ch'ins dovria propi, nizzegiar ellas uschè bler sco pussaivel e ponderar daco ch'insatge haja il prezi ch'ì haja.