Petra Gössi è pronta da manar la PLD

Per il presidi da la Partida liberal-democratica svizra datti in'emprima candidatura uffiziala. La cussegliera naziunala dal chantun Sviz Petra Gössi ha communitgà, ch'ella saja pronta per la procedura da tscherna.

Petra Gössi, cussegliera naziunala da la PLD. Bild in Lightbox öffnen.

Legenda da maletgs: Petra Gössi avant duas emnas a chaschun da la radunanza da delegads da la PLD Svizra. Keystone

Ella saja sa decidida, suenter in emprim discurs cun la cumissiun che prepara l'elecziun dal presidi. Gössi è dapi 5 onns cussegliera naziunala, e maina dapi 4 onns la partida chantunala.

L'elecziun dal presidi da la PLD succeda l'avrigl. Il president da fin qua Philipp Müller na candidescha betg pli. Sco candidat vala era il cusseglier naziunal bernais Christian Wasserfallen. Quel ha annunzià da s’exprimer il glindesdi surlonder.

RR Novitads 21:00