Ella na veglia betg strapatschar sia atgna partida durant in onn d’elecziun, ha Gössi ditg a TeleZüri. Gössi valeva, dasper la cusseglier dals chantuns Karin Keller-Sutter, sco ina da las favuritas sin la successiun da Johann Schneider-Ammann. Lez ha annunzià sia demissiun sin la fin da la perioda da legislatura dal 2019.
Karin Keller-Sutter n’ha anc betg annunzià candidatura
La cusseglier dals chantuns dal Son Gagl n’era il 2010 betg vegnida elegida en il cussegl federal. Johann Schneider-Ammann aveva survegnì la preferenza. Fin uss na dettia quai nagina vacanza ed uschia era nagina candidatura, ha ditg fin uss Keller-Sutter sin dumondas sch’ella veglia per la segunda giada candidar per la executiva.
RR novitads 20:00
