Siglir tar il cuntegn

Header

cuntegn

Svizra Pfister: «PCD sin buna via cun profil pli cler»

l 2016 saja quai gartegià a la Partida cristiandemocratica svizra (PCD) da concretisar ses profil, ha ditg il president Gerhard Pfister a la radunanza da delegadas e delegads a Berna.

Ch'il profil saja pli cler cumprovia il titel d'ina gasetta: «La segirezza da sasez irritanta da la PCD». Tenor Pfister pervi da la lingia clera da la PCD tar la realisaziun da l'iniziativa cunter immigraziun da massa. La situaziun politica actuala vesa el bain sco sfida, però plitost sco schanza. Ils temps da midadas, e ch'il populissem creschia, dovria la politica puspè dapli valurs sco orientaziun, fidadadad e segirezza.

Cler gea a la natiralisaziun facilitada

Per la votaziun davart la natiralisaziun facilitada ha la radunanza da delegadas decidì in cler gea cun 214 cunter 60 vuschs. En il parlament era la PCD anc dividida: Entant che Cristiandemocrats en il Cussegl naziunal eran persuenter, eran ils Cristiandemocrats en il Cussegl dals chantuns s'exprimì cunter quest project.

Annunzià nova strategia

Aifer il process da renovaziun da la PCD cun il titel #CVP2025 ha Pfister discurrì dad emprims resultats. Ils proxims mais vegnia la suprastanza ad evaluar quests resultats da l'enquista tar la basa, ed elavurar mesiras concretas aifer ils proxims mais. Uschia possia la partida deliberar la nova strategia al di da partida da la stad che vegn.

RR novitads 15:00

Artitgels legids il pli savens