Siglir tar il cuntegn

Header

cuntegn

Pfizer/Biontec e Moderna Vaccins lubids en Svizra portan dapli niz che ristg

Ils dus vaccins ch'èn fin uss lubids en Svizra portan dapli niz che ristg. Quai di Swissmedic. Tuttina possian vaccinaziuns cunter Covid-19 er avair effects secundars. Ils blers da quels sajan dentant nunprivlus.

L'institut da medicaments ha annunzià stgars 600 cas. Tar ils 177 ils pli gravants è vegnì constatà fevra, difficultads da respirar u ina infecziun cun Covid-19. Las reacziuns las pli frequentas sajan unfladiras e mal là nua ch'igl è vegnì furà, stancladad u mal ils musculs e las giugadiras. I na dettia dentant naginas indicaziuns davart problems da segirtad.

21 morts - dentant betg pervia da vaccinaziun

Tar ils 21 cas il pli gravants èn las persunas mortas en distanza tut differenta suenter il vaccin. Las persunas mortas eran en media 85 onns e han gì pliras grevas malsognas preexistentas. En nagin da quels cas datti indicaziuns che la vaccinaziun saja stà il motiv per la mort.

Simplas reacziuns

343 annunzias pertutgan il vaccin Pfizer/Biontech e 251 Moderna. En trais cas na datti naginas indicaziuns davart il vaccin. La gronda part da quellas annunzias èn vegnids da persunal spezialisà da medischina, 43 annunzias da las persunas pertutgadas sez. La gronda part da las annunzias eran dunnas (68,7%).

Ord l'archiv

La concurrenza da vaccinar – ina glossa.

video
Tgi è pli svelt?
Or da RTR Social dals 27.01.2021.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga