Siglir tar il cuntegn

Header

cuntegn

Svizra Philipp Müller sentenzià pervi da greva blessura corporala

Il cusseglier dals chantuns Philipp Müller (PLD) è vegnì sentenzià pervia da ses accident cun auto dal settember passà. El è vegni sentenzià a 150 taxas per di e ad in chasti da 10’000 francs.

La procura publica dal chantun Argovia ha sentenzià il cusseglier dals chantuns Philipp Müller pervi da charrar cun ses auto en ina situaziun nua ch’el n’era betg abel dad ir cun auto. El sto pajar in chasti da 10’000 francs e 150 taxas per di.

Philipp Müller era la notg dal accident, ils 10 da settember 2015, anc president da la partida liberaldemocratica svizra e cusseglier naziunal. El era charrà cun ses auto da Lenzburg ed era vegnì sin il vial oppost. Latiers era el collidà frontal cun ina töffista che charrava correct. La giuvna era sa blessada grevamain.

Müller era stanclentà

Las investigaziuns aveva alura mussà che Müller n’era betg abels da charrar ses auto perquai ch’el era stanclentà e quai en consequenza dad ina apnea, ina malsogna che na lascha betg durmir bain. La malsogna n’era dentant betg conuschenta a Müller ed el n’era betg conscient da quai durant charrar ses auto.

Sco la procura publica scriva avess el dentant stuì constatar quai perquai che ses sistem d’auto inditgava ch’el midia il vial. Quai mussian las datas da quest sistem, quellas hajan gidà bain che l’accident ha pudì vegnir sclerì.

La sentenzià n’ha anc nagina vigur legala. Müller ha inoltrà preventiv ina protesta.

RR novitads 10:00

Artitgels legids il pli savens