A Son Gagl vegn il «Premi Solar Svizzer 2016» surdà a persunalitads, instituziuns ni bajetgs ch'èn ecemplarics. Durant l'Olma a Son Gagl vulan Bertrand Piccard ed André Borschberg prender encunter persunalmain lur premi. L'ultim premi solar mundial era vegnì surdà il 2005.
Era in grischunes vegn premià
Onurà cun il premi vegnan 14 victurs. Quai en las categorias «persunalitads», «instituziuns», «bajetgs novs», «sanaziuns» ed «indrizs solars». Sut quests 14 victurs sa chatta era l'Areana Alva SA da Laax.
Il Premi Solar Svizzer vegn surdà per la 26avla giada. Il 1991 è el vegnì lantschà da l'Agentura da solar svizzra. Questa agentura vul promover l'energia solara ed il bajegiar efficient. Ils victurs survignan nagins daners per quest premi, dentant in document ufficial.
RR novitads 6:00