En connex cun las investigaziuns cunter Pierin Vincenz haja la procura publica da Turitg chattà novas transacziuns che pudessan esser relevantas. Quai scriva la procura publica en ina communicaziun. Perquai haja la dretgira responsabla prolungà l'arrest d'inquisiziun cunter l'anteriur banchier. Per quant ditg, n'è però betg enconuschent. Vincenz vegn dapi ils 27 da favrer 2018 tegnì a ferm a Turitg.
Ultra da quai haja la procura publica extendì las investigaziuns. Da nov vegnia investigà cunter totalmain set persunas enstagl da tschintg sco fin qua.
A l'anteriur schef da la banca Raiffeisen vegn renfatschà gestiun malfidaivla. Concret vai per fatschentas dad insiders pussiblas. Vincenz refusescha tut las renfatschas. I vala la presumziun d'innocenza.
RR novitads 18:00
