Per il cusseglier guvernativ da Genevra, Pierre Maudet vegni adina pli stretg. La suprastanza da la PLD Svizra ha intimà Pierre Maudet da demissiunar. Il cusseglier guvernativ da Genevra n'è dentant betg pront d'ademplir quest giavisch. La decisiun da pretender la demissiun da Maudet saja stada unanima, ha ditg la presidenta da la PLD Svizra, Petra Gössi.
Suenter in'inscunter haja la suprastanza stuì constatar che la confidenza na possia betg pli vegnir restabilida. Maudet sez ha declerà suenter l'inscunter ch'el na sa retiria betg.
L'atgna partida lascha crudar el
La direcziun da la Partida liberaldemocratica da Genevra pretenda medemamain che Maudet sa retiria. Quai ha il president da la PLD chantunala, Alexandre de Senerclens, ditg en in'intervista cun la gasetta «Le Temps». L'affera duria gia bler memia ditg.
RR novitads 12:00+
