Siglir tar il cuntegn
Inhalt

Svizra Pierre Maudet sto dar giu ulteriuras cumpetenzas

Il cusseglier guvernativ da Genevra desista ad interim da ses uffizi sco president da la regenza dal chantun e dettia er giu la controlla da la polizia.

Purtret Pierre Maudet
Legenda: L'affera Maudet s'extenda adina pli fitg. Keystone

Questas mesiras ha la regenza da Genevra dà enconuschent avant las medias. Ella reagescha uschia sin ils svilups en l'affera da Pierre Maudet davart in viadi privat ad Abu Dhabi. Il vicepresident da la regenza, Antonio Hodgers ha ditg che la regenza na veglia betg zuppentar che la confidenza saja vegnida surpassada.

In viadi dispitaivel

En las ultimas emnas è Maudet vegnì sut squitsch. La procura publica da Genevra renfatscha al politicher d'avair profità d'in viadi ad Abu Dhabi. Maudet ha dà tiers ch'el haja ditg manzegnas davart la finanziaziun da quest viadi. Ils custs duai il prinzi ereditar d'Abu Dhabi avair surpiglià.

L’affera Maudet ha lura survegnì nov fieu questa mesemna. Retschertgas da la «Rundschau» han mussà ch'ils organisaturs dal viadi da Maudet èn involvids en in grond project da fabrica a Genevra.

RR novitads 16:00