Siglir tar il cuntegn
cuntegn

Svizra Pierre Maudet vegn degradà

La regenza genevrina ha reorganisà da nov ils departaments e trametta l’anteriur president da la regenza en la partiziun per la promoziun da l’economia.

Pierre Maudet a tgaschun da la conferenza da medias da la regenza genevrina ils 23 da schaner 2019.
Legenda: Pierre Maudet perda adina dapli pussanza. Keystone

Pierre Maudet perda uschia il presidi ed n’è era betg pli responsabels per il dossier segirtad che cumpiglia la polizia, l'eroport da Genevra e las praschuns. Quai dossier surpiglia Mauro Poggia dal Mouvement citoyens genevois. La nov'organisaziun valia davent da l’emprim da favrer enfin las elecziuns chantunalas il 2023, ha la regenza genevrina fatg da savair.

Gia il settember passà aveva la regenza prendì davent a Maudet ad interim la controlla davart la polizia e l’eroport. La procura publica da Genevra investighescha cunter l'anteriur candidat per il Cussegl federal pervia d'in viadi dispitaivel ad Abu Dhabi la fin dal 2015.

RR novitads 17:00