Mardi cumenza en la Bassa il pli grond exercizi militar che la Svizra a vis dapi 33 onns. Durant otg dis vegnan 5'000 schuldads e schuldadas da las truppas terrestras a trenar en ils chantuns Berna, Soloturn, Argovia, Lucerna e Turitg, communitgescha il Departament federal da defensiun VBS.
Tar quest manever, che ha il num «Pilum 22», trenescha l'Armada svizra per otg dis cun la Brigada mecanisada 11 la cooperaziun da differents elements da las truppas terrestras. Part da l'exercizi fetschia era ina partiziun, spezialisada sin la strategia da guerra electronica ed in detaschament dal commando forzas spezialas.
Pli grond exercizi dapi la fin da la guerra fraida
Cun 5'000 schuldads e schuldads e l'exercizi bler pli pitschen che ils exercizis durant la guerra fraida. Uschia s'èn il 1986 per exempel 40'000 schuldads e schuldadas participadas vi dal uschenumnà «Dreizackmanöver 1986». L'exercizi è dentant il pli grond dapli il 1989.
Pervi dal transport da vehichels armads dal militar possia dar impediments da traffic dals 22 fin il 29 da november. Per infurmar la populaziun davart quels u per respunder autras dumondas ha l'armada drizza èn in a hotline (0800 0800 85).
Or da l'archiv
