Sco Bischof ha ditg a las medias, haja el infurmà il presidi da la PCD sur da sia decisiun da betg candidar. Malgrà sia decisiun ha il politicher dal Soloturn admess, che l’uffizi dal president da partida fiss stà ina sfida interessanta. Er ha el ditg ch'el saja in perschuadì «parlamentari da milissa».
Pirmin Bischof è dapi la fin dal 2012 commember dal cussegl dals chantuns.
Pfister candidescha, Candinas n'ha anc betg decis
Gia annunzià sia candidatura ha il cusseglier naziunal da Zug Gerhard Pfister (53). Pfister è gia commember dal presidi da la PCD svizra ed appartegn dapi il 2003 al cussegl naziunal. Sia politica s’orientescha a la vart dretga da la PCD. Anc betg decis ha Martin Candinas, schebain el vul candidar per il presidi da la PCD.
La decisiun per la successiun da Christophe Darbellay croda alura a l’inscunter dals delegads da la PCD ils 23 d’avrigl a Winterthur.
RR novitads 10:00