Pro - Gea a No Billag
Ils aderents da l'iniziativa No Billag èn persvas che la SRG SSR po er exister senza daners da taxas. Els han preschentà lur plan B che metta en spezial sin abunaments e reclama.
Cun far reclama en il radio ed online sco era cun vender abunaments per emissiuns po la SRG SSR tenor nus era surviver senza taxas.
Il comité s'engascha per abolir las taxas da radio e televisiun cun il slogan «Gea SRG: No Billag Gea». La SRG saja posiziunada bain tar il public sco er en il martgà da reclama. Il service public possia perquai vegnir finanzià per gronda part or da las entradas dal martgà.
Contra - Na a No Billag
L'iniziativa No Billag saja in'attatga radicala sin il service public e la democrazia directa, quai din ils adversaris che han lantschà oz il cumbat da votaziun cunter l'iniziativa che vegn avant il pievel ils 4 da mars. Dal comité «Na a la No Billag» fan part 160 parlamentarias e parlamentaris da la dretga fin la sanestra.
Mal il chau tract'ins era cun aspirin e betg cun la guillotina.
L'iniziativa che vul abolir las taxas da radio e televisiun saja memia extrema, muntia la fin da la solidaritad ed in'attatga frontala sin la SRG SSR ed ils 34 emetturs da radio e televisiun locals ch'èn dependents da la taxa per radio e televisiun, fan ils adversaris a savair. Parlament e Cussegl federal proponan era da dir da na a l'iniziativa.
RR actualitad 18:00