Siglir tar il cuntegn
Ina dunna che prenda in medicament.
Legenda: Acziun cun prevenziun. Latiers tutga tenor il plan er d'engrevgiar l'access a medicaments. Keystone

Svizra Plan d'acziun per impedir suicidis

Il dumber da suicidis ed emprovas da suicidi en Svizra duai vegnir reducì. Per quai intent han la Confederaziun ed ils chantuns tramess en consultaziun in plan d’acziun per prevegnir a suicidis. A la fin dal 2016 duai esser avant maun in plan correspundent.

Las autoritads da sanadad en Svizra vulan reducir il dumber da suicidis ed emprovas da suicidi. La Confederaziun ed ils chantuns han perquai tramess en consultaziun in plan d'acziun.

Prevenziun survegna dapli paisa

En Svizra fan mintg'onn radund 1’000 persunas suicidi. Ils blers da quels suicidis vegnian fatgs ord desperaziun u pervi da malsognas psichicas.

Sco quai ch’il Departament federal da l'intern scriva, sa focusseschia il plan d'acziun sin differents champs. Tranter auter duai l'access a binaris, punts u medicaments daventar pli difficil. Plinavant duai vegnir infurmà meglier davart la periclitaziun da suicidi. A pertutgads vul il plan porscher agid tar consultaziun e tractament.

RR novitads 15:00

Artitgels legids il pli savens