Siglir tar il cuntegn
Inhalt

Svizra Plan d'acziun per prevegnir suicidis

En Svizra fan mintg’onn passa 1000 persunas suicidi. Cun in plan d’acziun per la prevenziun vul la Confederaziun ussa prender a mauns il problem.

Persuna che prenda in medicament.
Legenda: En Svizra fan mintg'onn passa 1000 persunas suicidi. Keystone

Fin il 2030 suai il dumber dals suicidis vegni reducì per radund 300 cas l’onn. En Svizra moran dapli persunas pervia da suicidi ch’en il traffic sin via. Quai na saja betg da defender, uschia Cusseglier federal Alain Berset. „Nus avain memia bleras persunas che fan fin a la vita.

En l’entira Svizra datti numerusas purschidas da cussegliaziun e d’urgenza. Da far pli accessiblas quellas a persunas che sa chattan en ina crisa saja la finamira dal plan d’acziun. Plinavant duain mesiras da construcziun vi da punts per exempel engrevgiar ils suicidis.

RR novitads 12:00