Las regenzas da la Svizra orientala n'èn betg cuntentas cun il program strategic da planisaziun (STEP) da las vias naziunalas da la Confederaziun. Ellas vulan ch'il program vegnia surlavurà avant ch'il parlament svizzer discutescha el. En spezial crititgeschan ellas che differents projects da la Svizra orientala na sajan betg fixads en il program strategic. En il Grischun è quai il sviament da Beiva e quel da Cunter en il Surses.
Ussa vegnian ils parlamentaris e las parlamentarias ord la Svizra orientala a Berna orientadas sur da la posiziun dal a Conferenza da las regenzas.
Part a la Conferenza da las regenzas da la Svizra orientala fan las regenzas dal Grischun, Glaruna, Schaffusa, Appenzell Dadens e Dadora, Son Gagl e Turgovia. Il Principadi da Liechtenstein ed il chantun Turitg èn commembers associads.
