Planisaziun dal territori - Chantuns han fadia da realisar la lescha
La «Rait planisaziun dal territori» crititgescha cunzunt la pratica dals chantuns areguard la taxa da plivalur. Quella preveda che possessurs da terren ston dar giu ina part da lur gudogn, sche lur terren vala dapli suenter ch'el è vegnì mess en in'autra zona.
Curt avant che la lescha revedida stuess esser realisada saja la bilantscha maschadada. Sulet il chantun Basilea-Citad haja realisà bain questa prescripziun e survegnia in «fitg bun», scriva la Rait planisaziun dal territori. Sis ulteriurs chantuns survegnian il predicat «bun». L'organisaziun pretenda vinavant ch'ils chantuns e las vischnancas duain proteger meglier lur cultira.