Siglir tar il cuntegn

Svizra Plans per novs aviuns da cumbat

Per ademplir las spetgas dal VBS stuess ina nova flotta d'aviuns da cumbat cumpigliar almain 40 aviuns.

Quatter aviuns da cumbat en l'aria.
Legenda: Maletg simbolic. Keystone

En l'avegnir duain quatter aviuns militars pudair proteger permanentamain durant quatter emnas il spazi d'aria svizzer. Quai spetga il Departament federal da defensiun, protecziun da la populaziun e sport VBS d'ina nova flotta d'aviuns militars. Il VBS ha publitgà ses catalog da cundiziuns per ils novs aviuns militars. Pertutgant il dumber d'aviuns na tradescha il departament però anc nagut.

Tenor experts duvrass quai dentant almain 40 aviuns novs per pudair ademplir questa spetga. Il dumber exact dependia er dal tip da rachetas terra-aria. Ina ferma defensiun d'aria sin terra empermettia in pli pitschen dumber d'aviuns, scriva il VBS.

Per l'emprima giada ha il VBS er communitgà, tge sistems da rachetas che pudessan vegnir en dumonda per proteger il spazi d'aria svizzer: Evaluadas vegnan las rachetas dal tip SAMP/T da Eurosam, Davids's Sling dal producent israelian Rafael e las Patriot dal producent american Raytheon.

RR novitads 15:00