La dretgira chantunala da Zug ha per gronda part approvà il plant civil da l'anteriura politicra Jolanda Spiess-Hegglin cunter Ringier SA sco editura dal Blick. Il Blick sto uss pajar a l'anteriura parlamentara chantunala da Zug ina satisfacziun da 20'000 francs. La proposta sin publicaziun d'ina perstgisa en il Blick è vegnida refusada. Ringier ha prendì encunter la sentenzia, ha dentant retegnì lur posiziun, ch'els na partian betg l'opiniun da la dretgira chantunala en ils dus puncts substanzials. Perquai examineschan els in recurs a la Dretgira superiura dal chantun Zug.
Process en connex cun artitgel dals 24-12-2014
I va per ils rapports enturn las festivitads dal mastral da Zug, nua che Blick ha scrit d'in scandal da sex, mussà fotografias e numnà plirs politichers cun lur num. Tenor la dretgira n'exista en quest cas nagin interess public da rapports identifitgabels.
RR novitads 10:00