Siglir tar il cuntegn
Inhalt

Svizra Plant cunter plevon – uvestgieu da Cuira vegn activ

L'uvestgieu da Cuira denunzia l'anteriur plevon da Küssnacht – quel haja fatg debits da gieu da passa 2,16 milliuns. Uss creescha l'uvestgieu in post da cussegliaziun, scriva Giuseppe Gracia, il pledader da medias da l’uvestgieu da Cuira en ina communicaziun.

Küssnacht.
Legenda: Tgi ch’ha pers raps pervi da l’anteriur plevon da Küssnacht po s’annunziar tar l’uvestgieu. Keystone

L’anteriur plevon haja fatg silmain 2,16 milliuns francs debits da gieu, scriva l’uvestgieu da Cuira en sia communicaziun. Quant ch’i saja exactamain, na saja anc betg cler – en pli dettia quai anc autras pretensiuns che na sajan anc betg precisadas.

Cun quai ch’il anteriur plevon para er dad esser sa servì da raps da la plaiv dettia ina denunzia penala cunter el, scriva l’uvestgieu.

Cun in post da consultaziun tar in advocat e notar a Lucerna vul l’uvestgieu perquai porscher er ina pussaivladad ad eventualas autras persunas pertutgadas. Actualmain sajan s’annunziadas 58 persunas pertutgadas.

Il plevon aveva remess ses uffizi e sa chattia tenor infurmaziun da l'uvestgieu anc adina en terapia. Tge che duai succeder vinavant na saja anc betg sclerì.

RR novitads 14:00