Legenda:
Las mesiras cunter violenza cunter dunnas duain vegnir cdoordinadas naziunalmain, pretenda il president dals directurs da polizia chantunals Pierre Maudet.
Keystone / archiv
Cunter la violenza envers dunnas duai quai dar ina plattafurma naziunala. Quai pretenda Pierre Maudet, il president dals directurs da polizia chantunals.
Policists constateschian adina dapli attatgas cunter dunnas. Il dumber da las attatgas na saja bain betg creschì, ma ellas daventian adina pli brutalas, ha ditg Maudet envers la «NZZ am Sonntag». Perquai stoppian ins rinforzar la prevenziun.
La raschun per las pretensiuns da Maudet è stada in‘attatga brutala sin 5 dunnas avant stgars duas emnas a Genevra. Ina gruppa da Franzos aveva pitgà ensemen las dunnas davant in local da notg.
