Plattafurma per annunziar corrupziun vegn duvrada stedi

Dapi che la plattafurma per annunziar corrupziun è vegnida lantschada il settember, ha ella survegnì 72 annunzias. En nov da da quests cas datti in suspect concret da corrupziun.

Tar nov ulteriuras annunzias datti suspect d'irregularitads tar l'administraziun federala. En tut quests 18 cas ha la polizia federala instradà ulteriuras examinaziuns. Proceduras n'èn però betg vegnidas avertas, communitgescha la polizia federala. Tar las ulteriuras annunzias na dettia quai nagin connex cun corrupziun. 43 da las 72 annunzias èn vegnidas inoltradas a moda anonima.

RR novitads 11:00