L’Uniun purila svizra emprova da mitigiar la mancanza da persunal, ch’è da spetgar pervi da la crisa da corona. D’ina vart veglian els empruvar cun consentiment da la Confederaziun – ch’almain quests lavurants esters che possian e veglian vegnir, dastgian er entrar en Svizra. Quai scriva l’uniun.
Vitiers ha l’Uniun purila svizra decidì d’endrizzar ina plattafurma naziunala. Sin la plattafurma pon manaschis agriculs che tschertgan persunal far vesaivel lur purschida. Davent da l'emna proxima pon persunas interessadas ord branschas che na dastgan il mument betg lavurar – lura sa registrar.
Martgads èn scumandads
Plinavant tschertga l’Uniun purila svizra era ina schliaziun per ils purs che van per ordinari sin martgads. Il Cussegl federal ha scumandà la vendita sin ils martgads da legums derasads.