Las plattafurmas svizras da Crowdfunding han rimnà l’onn passà 375 milliuns francs. Quai è bunamain trais giadas uschè bler sco l’onn avant. Tut en tut han 160'000 persunas sustegnì projects da crowdfunding, communitgescha la scol’auta da Lucerna.
L’onn passà hajan quellas cunzunt finanzià dapli interpresas pitschnas e mesaunas via crowdlending. Ultra da quai è vegnì investì bler en immobiglias. La fin d'avrigl da quest onn eran 43 plattafurmas da crowdfunding preschentas en Svizra. Entaifer ils ultims 8 onns è passa ina mesa milliarda vegnida ensemen a quella moda.
Crowdfounding è in model da finanziaziun, tar il qual numerusas persunas pon gidar da cuntanscher ina tscherta summa per finanziar in project.
RR novitads 10:00