Siglir tar il cuntegn

Header

Ord ina sumeglianta mitraglia han ils sajets sbagliads tutgà ina chasa.
Legenda: Ord ina sumeglianta mitraglia han ils sajets sbagliads tutgà ina chasa. Keystone
cuntegn

Svizra Plazza d’armas Thun: In projectil tutga ina chasa

Datiers da la plazza d'armas a Thun ha in projectil d'ina mitraglia tutgà ina chasa. Persunas n'èn betg vegnidas blessadas. La giustia militara investighescha cunter trais recruts.

Il pledader da la giustia militara Tobias Kühne ha confermà in rapport correspundent da «20 Minuten». Il cas è succedi ils 30 d’avust. A las 17.30 uras èn tschintg sajets ord la mitraglia montada sin il char armà da grenadiers 2000 sa fatgs liber.

In dals projectils ha alura tutgà ina chasa che sa chatta circa en ina distanza da dus kilometers. «Ina schiba saja rutta ed en la paraid sa chatta uss ina fora», ha ditg Kühne. Il mument dal schabetg sa chattava nagin en l’abitaziun pertutgada.

«Tenor las emprimas stimaziuns è probabel ina cumbinaziun da manipulaziun falladas stada il motiv per ils sajets», ha accentuà Kühne.

RR novitads 11:00

sda/ma

Artitgels legì il pli savens

Nach links scrollen Nach rechts scrollen