Siglir tar il cuntegn
cuntegn

Svizra Plazzas da lavur van da la Svizra en la Slovachia

Il concern per equipament da bajegiar Arbonia-Forster AFG stritga ils proxims mais enfin 200 plazzas tar sia societad affiliada EgoKiefer.

Logo EgoKiefer
Legenda: En il futur duai EgoKiefer producir fanestras ed ischs en la Slovachia. Keystone

La raschun saja il squitsch da custs e da l'import, sco er il ferm franc svizzer, a communitgà il concern cun sedia ad Arbon.

Pervi da la situaziun actuala veglia il concern transferir pli spert sia producziun da fanestras en la Slovachia. EgoKiefer ha fabricas a Son Gagl ed en il Vad.

L'Arbonia-Forster ha a medem temp annunzià in gudogn da 15 milliuns francs.

RR Novitads 08:00