Siglir tar il cuntegn

Header

Persunas che tegnan si cedels.
Legenda: Delegadas e delegads da la PLD vuschan la sonda a Schindellegi. Keystone
cuntegn

PLD sa raduna Dapli emoziuns e dapli spiert da cumbat

In nov politisar per las valurs liberalas – quai pretenda la presidenta da la PLD Petra Gössi da sia glieud. Radund 330 liberals èn sa scuntrads a la radunanza da delegads a Schindellegi en il chantun Sviz. E la presidenta annunzia da dumandar pli savens la basa da la partida, e da far dapli referendums.

Dapli engaschi per lur ideas

Tar las elecziuns federalas l’atun haja la partida pers, ha ditg Petra Gössi. A la PLD na saja betg gartegià da metter agens accents – en in cumbat electoral dominà da la tematica dal clima. En l’avegnir stoppian ils commembers da la PLD tschertgar dapli il contact cun la glieud sin via e star en dapli per las valurs liberalas.

Plinavant vul Gössi tranter auter metter il focus sin temas sco “La Svizra sco plazza economica” – e sin la politica da l’ambient e dal clima.

RTR novitads 16:00