Siglir tar il cuntegn

Header

cuntegn

Svizra PLD – Trais candidaturas valablas

La suprastanza da la Partida liberaldemocratica ha decidì il venderdi da dar vinavant tut las trais candidaturas a la fracziun. Karin Keller-Sutter, Christian Amsler e Hans Wicki èn uschia in pass pli datiers da sin lur via en il Cussegl federal.

Suenter ch'ina cumissiun d'examinaziun da la Partida liberaldemocratica ha prendì sut la marella la candidata ed ils dus candidats, è la suprastanza da la partida vegnida a la conclusiun da dar vinavant tut las trais candidaturas a la fracziun. Quai èn la cussegliera dals chantuns da Son Gagl Karin Keller-Sutter, il cusseglier dals chantuns da la Sutsilvania Hans Wicki ed il cusseglier guvernativ da Schaffusa Christian Amsler.

Da la cumissiun fatg part han l'anteriur cusseglier dals chantuns e mediciner Felix Gutzwiler, l'anteriura schefa da fracziun ed advocata da l'Uri Gabi Huber ed il cusseglier naziunal dal chantun Neuschatel Philippe Bauer. Els trais han ensemen examinà eventualas mendas zuppadas dals candidats. Però ni tar Keller-Sutter ni tar Amsler ni tar Wicki ha la cumissiun chattà raschuns che pudessan esser in impediment per la candidatura.

L'examinaziun ha questa giada ina paisa speziala. L'onn passà aveva la PLD numnadamain nominà il Genevrin Pierre Maudet sco candidat per il Cussegl federal. Actualmain è Maudet en il focus da la giustia pervi dal suspect dad avair acceptà avantatgs.

La fracziun decida proxim venderdi davart las candidaturas. Elegì vegn il successur u la successura per Johann Schneider-Ammann lura ils 5 da december.

RR novitads 17:00

Artitgels legids il pli savens