Cun engaschament e dialog vegn la Svizra a dumagnar las crisas actualas. Il president da la Confederaziun Alain Berset è la dumengia durant ses pled da Bumaun sa mussà cun plain speranza malgrà quests temps grevs. Il pajais tegna ensemen sch'i saja necessari.
Gea, i dat blers problems. I dat dentant era blera glieud en Svizra u sin l'entir mund che prendan a maun quests problems. Perquai pudain nus guardar cun plain speranza en l'avegnir.
En crisas sco la pandemia da corona e la guerra en l'Europa, haja la Svizra emprendì da tegnair ensemen, sch'i vegn serius. Ed era emprendì che las instituziuns sajan fermas e «portian nus».
En quest connex ha el era renvià al senn da la Constituziun federala dad 1848. Ad ella engrazia la Svizra la vita en Segirezza e bainstar.
Ad ella engrazian nus nossa cultura da dialog.
A la fin da ses pled ha Berset giavischà a tuts e tuttas in bun onn nov cun bler plaschair, cun mirveglia e cun aventuras cuminaivlas.
Or da l'archiv: