Siglir tar il cuntegn

Header

André Simonazzi.
Legenda: Keystone
cuntegn

Pledader dal Cussegl federal Vicechancelier André Simonazzi è mort

Il pledader dal Cussegl federal e vicechancelier André Simonazzi è mort venderdi sin ina spassegiada. Quai annunzia la Chanzlia federala. La novitad da sia mort haja commovì ils commembers dal Cussegl federal ed il chancelier federal.

André Simonazzi aveva 55 onns. El lascha enavos ina dunna e trais uffants creschids. Ils commembers dal Cussegl federal ed il chancelier federal als han condolà profundamain. «André Simonazzi è stà in servitur dal stadi en il meglier senn dal pled», hai num d'ina communicaziun da la Chanzlia federala. «La communicaziun a la regenza ha el chapì sco servetsch per la publicitad e per la regenza. El ha vulì stgaffir cun ella las meglras cundiziuns pussaivlas per il Cussegl federal e per sia lavur.»

Simonazzi è vegnì nominà il november 2008 sco vicechancelier e pledader dal Cussegl federal. Dapi il prim da schaner 2009 ha el prendì part a las sesidas da la regenza svizra, ha fatg il protocol e fatg la communicaziun. En la Chanzlia federala ha el manà pliras secziuns ed il servetsch presidial.

audio
Per tadlar: las novitads da las 20:00
ord RTR Audio dals 13.05.2024.
laschar ir. Durada: 1 minuta 52 Secundas.

Or da l'archiv:

RTR novitads 20:00

Artitgels legids il pli savens