Las adressas dals contos d'e-mail èn sco i para vegnids en ils mauns da hackers, ed i è bun pussaivel ch’ellas vegnan malduvradas per acziuns illegalas. Quai pon esser fraud, extorsiun, phishing e sumegliants delicts en l’internet.
Far in test
Perquai ha MELANI publitgà en la rait in instrument, nua che mintgin po examinar sche si’adressa da mail è pertutgada. La centrala d'annunzia e d’analisa cusseglia a tuttas persunas ed interpresas da far il test sut www.checktool.ch. Per far il test èsi sulettamain necessari d’inditgar l’adressa da mail. Quella vegn codada per la transmissiun e na vegn betg arcunada.
Co reagir
Fiss in conto da e-mail pertutgà, annunzia il tool quai. En quest cas propona MELANI pliras mesiras. Detagls chattais sut quest'adressa.