Siglir tar il cuntegn

Header

Il vitg Trub en l'Emmental Sura.
Legenda: Vista sin il vitg da Trub en l'Emmental Sura. MAD
cuntegn

Pli bel vitg da la Svizra 2019 Trub en il chantun Berna va cun la plima

En l’Emmental Sura, datiers dal cunfin cun il chantun Lucerna, sa chatta il pli bel vitg svizzer. Trub gudogna la concurrenza naziunala 2019 organisada da la «Schweizer Illustrierte», «L’Illustré» e «il Caffè»

La vischnanca da Trub è ina da las grondas vischnancas dal chantun Berna, quai che pertutga la surfatscha. E radund 50% da la surfatscha è guaud. Il pli aut punct è il culm Napf, cun 1’408 meters sur mar.

Adina damain abitants

Trub è dentant pitschen areguard ils abitants. Il 2015 vivevan radund 1’350 persunas en la vischnanca. Var 100 onns pli baud dumbrava Trub anc var 1’000 abitantas ed abitants dapli. La regiun è ina tipica vallada d’emigraziun.

Soglio victur il 2015

En tscherna eran oriundamain 50 vischnancas ch’ina giuria aveva definì, spartidas en tut la Svizra, cun maximalmain 3'000 abitants. Il titel dal pli bel vitg resta pia en il chantun Berna – gia l’onn passà aveva cun Oberhofen ina vischnanca da là gudagnà la concurrenza. L’onn 2017 aveva Schwellbrunn en l’Appenzell Dadora gudagnà, il 2016 il vitg tessinais Morcote, ed il 2015 Soglio en la Bregaglia.

RR novitads 14:00