Tenor MeteoSvizra è il 2017 stà il 6avel chaud onn dapi ch’ins ha cumenzà a mesirar las temperaturas l’onn 1864. Tschintg dals sis onns ils pli chauds sajan vegnids mesirads suenter l’onn 2000.
Sulegliv e chaud
En il sid da las Alps ed en il Vallais èn las temperaturas stadas fin a 1,2 grads pli chaudas ch’en la perioda tranter il 1981 ed il 2010. Sper las temperaturas pli chaudas hai era dà dapli sulegl. En il nord da las Alps ed en ils Tessin dal sid eran quai 110 resp. 120 pertschient da las uras cun sulegl tranter 1981 e 2010. En las autras regiuns da las Svizra eran quai anc 100 fin 110 pertschient da la norma.
Damain plievgia
Auter vesi ora tar la plievgia. En il nord da las Alps han ins mesirà 30 pertschient damain plievgia. En las Alps hai pluvì tranter 90 e 115 pertschient, en il sid dal Vallais be 60 fin 80 pertschient da la norma. En il sid da las Alps hai anc pluvì 80 fin 95 pertschient da la norma.
Donns vid pumera en fluriziun
La primavaira ha la natira patì da l'aura. Temperaturas miaivlas il mars e l'entschatta avrigl han laschà flurir la pumera var 16 fin 18 dis pli baud che usità. Pervia da la prugina da la notg dals 20 sin ils 21 d'avrigl hai dà gronds donns tar la pumera sco era tar la vigna.
RR novitads 18:00