Ina pussaivladad per la repartiziun prevesa, ch’il parlament relaschass ina concessiun da basa. Il Cussegl federal fiss lura responsabel per la concessiun da manaschi.
La cumissiun ha uss incumbensà l’administraziun da mussar enfin la stad, co ina tala repartiziun pudess vegnir realisada. Quai surtut per dar al parlament la pussaivladad da sa participar a la discussiun.
Raits mobilas duain esser prontas per il futur
Plinavant ha la cumissiun da traffic e telecommunicaziun proponì da simplifitgar las proceduras da permissiun per antennas da telefon. Er vul la cumissiun auzar las limitas per antennas.
Sco la cumissiun scriva, vegnia ella ad inoltrar las dumondas correspundentas. Ils detagls duajan vegnir definids a la proxima seduta. Instradà la debatta ha la Partida liberaldemocratica. Tenor ella stoppian las raits per la telefonia mobila esser prontas per il futur.
RR novitads 06:00