Il mument na dovra quai nagina lubientscha per cumpra immobiglias da commerzi en Svizra. Quai è ina da las bleras excepziuns che la «Lex Koller» cuntegna il mument e ch’il Cussegl federal vul midar. En ina communicaziun scriva el uss che la lescha duai vegnir adattada uschia sco ella era propi previsa.
Avant 10 onns vuleva il Cussegl federal schliar la «Lex Koller»
La fin da l'onn 2014 aveva il parlament dentant decis da mantegnair questas lescha. Alura aveva il Cussegl federal annunzià da vulair rinforzar las reglas. Ina da las midadas è che persunas ordaifer l’UE ston vender lur immobiglias sch'ellas n’han nagina sedia pli en Svizra.
Tge capita cun immobiglias commerzialas
Il Cussegl federal vul lantschar ina debatta sch’immobiglias commerzialas vegnan era sut la lescha da la «Lex Koller». Ils chantuns duajan pudair far excepziuns. La consultaziun dura uss ina giada fin ils 30 da zercladur. Uschia pon partidas ed organisaziuns uss pigliar posiziun en chaussa.
RR novitads 12:00