Il pli grond producent da mangiativas ha augmentà la svieuta en il segund quartal da l’onn per 8,6%. Quai è il pli grond augment dal concern svizzer dapi bunamain 10 onns. Il gudogn è creschì sin 5,9 milliardas francs, ha communitgà il concern. Er la furniziun da mangiativas a restaurants, hotels e biros è puspè sa revegnida da la pandemia da corona.
Dultschims èn dumandads
Gia en l'emprim quartal aveva il concern augmentà la svieuta per 7,7% e cunquai uschè ferm sco dapi bunamain 10 onns betg pli. La sparta ch'è creschida il pli fitg è quella da dultschims. En l'emprim mez onn dal 2021 ha Nestlé vendì 11% dapli tschigulatta e glatsch – u en total per 3,2 milliardas francs. Uschia è la categoria da dultschims quella che crescha il pli fitg sper il café.
audio
Per tadlar: Las novitads da las 15:00
ord RTR Audio dals 29.07.2021.
laschar ir. Durada: 2 minutas 56 Secundas.