3'200 uffants restan er suenter las vacanzas da scola a chasa e vegnan instruids là dals geniturs u da persunal privat. Cumpareglià cun avant la pandemia muntia l’augment a 45%, sco retschertgas che la «NZZ am Sonntag» ha fatg tar ils chantuns mussan. Cumpareglià cun il dumber total da stgars in milliuns uffants obligads d'ir a scola è la cunpart dal homeschooling anc adina fitg pitschen. Las dumondas lasuenter creschan dentant. Spezialmain en il chantun Turitg è il creschament grond. Ma era en ils chantuns Berna, Vad e Genevra creschan las dumondas.
Motivs per homeschooling
Nua ch’ils geniturs ston inditgar daco ch’els na tramettan betg lur uffants en scola, gioghia la pandemia ina rolla: Uschia hajan blers tema che l’uffant s’infecteschia, auters refusian las mesiras da protecziun.
