Siglir tar il cuntegn

Header

cuntegn

Svizra Pli lung temp d'avertura da butias giud maisa

Per la segunda giada è la Chombra pitschna s'exprimida encunter ina lescha che pussiblitass pli lungs temps d'avertura.

audio
Saira: Pli lungs temps d'avertura giud maisa
ord Actualitad dals 06.06.2016.
laschar ir. Durada: 2 minutas 36 Secundas.

Il Cussegl dals chantuns di na ad uras d'avertura da las butias pli lungas. Quai cun 26:16 vuschs. Cun quai ha el refusà per la segunda giada ina lescha en quest senn. La proposta è cun quai definitivamain giud maisa. E quai malgrà che la Chombra gronda aveva avant ditg gea a la lescha.

Suveranitad dals chantuns sco raschun per decisiun

Decisivas per il na èn stadas raschuns federalisticas. Blers parlamentaris han ditg che la maioritad dals chantuns na veglia betg la lescha e ch'i na dettia nagin motiv da sa maschadar en la cumpetenza dals chantuns. Gia da sia emprima cussegliaziun en chaussa aveva il Cussegl dals chantuns refusà la lescha. Lura però piz a cup grazia a la vusch da tagl dal president dal Cussegl.

Il Cussegl naziunal percunter aveva approvà la lescha cun gronda maioritad. Quai cun 122:64 vuschs tar 5 abstenziuns.

Cun questa lescha avessan las butias pudì vender lur rauba durant ils dis da l'emna tranter las 6 a bunura e las 8 da la saira.

RR novitads 18:00

Artitgels legids il pli savens