Svizra - Pli nauscha stad dapi 1 decenni per chamonas dal CAS
La stad da plievgia 2014 ha chaschunà blers letgs vits en las chamonas dal Club alpin svizzer CAS. Mesirà vid las pernottaziuns saja la stad 2014 stà il pli nausch onn da chamona dals ultims 10 onns, quai ha communitgà il CAS.
Da l'entschatta november 2013 fin la fin d'october 2014 hajan las chamonas registrà stgars 300'000 pernottaziuns, quai èn passa 7% damain che l'onn avant. Sulet durant la stagiun da stad sajan las pernottaziuns sa reducidas per bunamain 14%. Pertutgada il pli fitg è la Part Sura Bernaisa cun 1/4 damain pernottaziuns.
