Siglir tar il cuntegn
cuntegn

Svizra Pli pauc che 100 bancas svizras

Il dumber da las bancas svizras pudess sa sminuir marcantamain. Sco la societad da revisiun PwC scriva pudess il dumber sa reducir ils proxims trais fin tschintg onns sin sut 100 bancas.

Il num banca, davos la Chasa federala.
Legenda: Las bancas svaneschan pli e pli da la Svizra, En tschintg onns ha quai probabel pli pauc che 100 bancas svizras. Keystone

La societad da revisiun PwC quinta ch’il dumber da bancas en Svizra sa sminueschia marcantamain ils proxims onns. Uschia dumbra la Svizra la fin dal 2015 anc 136 bancas, ma aifer ils proxims trais fin tschintg onns pudess il dumber sa reducir sin main che 100 bancas.

Sco pussaivlas raschuns numna PwC ils gudogns che van enavos, las regulaziuns pli severas, ma er la concurrenza entras las firmas da Fintech.

Suenter ch’il secret da banca è vegni schlià, administreschan las bancas svizras puspè quasi tuttina blera facultad sco l’onn da record 2007.

RR novitads 12:00