A partir dal zercladur vala tar tut las staziuns da tren en Svizra in scumond da fimar. Sin ils perruns datti però zonas nua ch'ins dastga fimar. Quai ha decis l'Uniun dals transports publics.
Quest onn ha la SBB gia testà differentas regulaziuns da betg fimar sin pliras staziuns – tranter auter er a Cuira e Turitg. Las retschertgas hajan mussà che 75% dals dumandads giavischian grondas zonas nua ch'igl è scumandà da fimar.
Cun il scumond s'empermetta l'associaziun ina meglra qualitad per ils clients. Quai cun dapli schubradad, ina meglra odur e pli pauc rument.
