Siglir tar il cuntegn

Svizra Pli pauc gudogn per Tamedia

Il concern da medias Tamedia ha fatg marcantamain damain gudogn l'emprim mez onn. Il gudogn è sa reducì per 48% sin 39,9 milliuns francs.

Logo.
Legenda: Tamedia ha fatg damain gudogn l'emprim semester dal 2018. Keystone

Tamedia declera il gudogn pli pitschen cun il martgà da reclama tar las gasettas che saja sa reducì marcantamain, ma er cun il concurs da l'intermediatur da reclama Publicitas. Quel haja fatg necessari ina rectificaziun da la valur da tschintg milliuns francs. Er ils custs da serrar l'ediziun stampada da la gasetta «Le Matin» hajan gì in effect sin il gudogn.

La svieuta percunter è restada sin il nivel da l'onn passà cun 477,5 milliuns francs. Quai ha communitgà il concern da medias. La cumpart da las purschidas digitalas saja s'augmentada da 37,1% sin 39,3%.

RR novitads 09:00