Siglir tar il cuntegn

Svizra Pli pauc hardumbel da palpiri per interpresas

Confederaziun, chantuns e vischnancas han lantschà in portal online che simplifitgescha la communicaziun tranter interpresas e las autoritads. Cusseglier federal Johann Schneider-Amann ha preschentà la plattafurma a Berna.

Cusseglier federal Johann Schneider-Amann durant la preschentaziun.
Legenda: Cusseglier federal Johann Schneider-Amann ha preschentà il portal online easygov.swiss. Keystone

La plattafurma è cuntanschibla sut l'adressa d'internet easygov.swiss. Ella funcziuna tenor il princip «One-Stop-Shop», ha il Departament federal d'economia, furmaziun e retschertga communitgà. Quai munta ch'ils servetschs da las autoritads ils pli impurtants pon vegnir fatgs sin ina plattafurma.

Tranter auter duai daventar pli simpel da fundar ina firma. Ils servetschs ch'èn necessaris per fundar ina firma – sco l'annunzia per il register da commerzi, per la taglia sin plivalur, per l'assicuranza d'accidents u per la cassa da cumpensaziun – èn accessibels sin la medema plattafurma.

Era per firmas existentas duai i vegnir pli simpel per exempel da far midaments en il register da commerzi. La plattafurma spargnia a las interpresas daners e temp, ha la Confederaziun communitgà.

RR novitads 14:00