Svizra - Pli pauc tschains per daners da cassas da pensiun
Ils daners da las cassas da pensiun duain purtar l'auter onn pli pauc tschains. La cumissiun federala per provediment professiunal propona al Cussegl federal da sbassar ils tschains dad 1,75% sin 1,25%. Il tschains minimal è vegnì adattà gia pliras giadas. Dal 1985 - 2002 muntava quel anc a 4%.
Travail.Suisse, l'organisaziun tetgala dals lavurers, è trumpada da questa proposta. En la situaziun actuala cun curs variabels a las fieras d'investiziuns na saja betg adequat da fixar ils tschains uschè ditg ordavant.
Travail.Suisse aveva pretendì da laschar il tschains minimal tar 1,75% e d'installar en il medem mument ina gruppa da lavur dals partenaris socials ch'examinescha ils tschains minimals mintgamai vers la fin da l'onn.
