Pli pauca schuldada ed ina pli curta recruta

La refurma da l'armada svizra è sin buna via. Il Cussegl dals chantuns ha approvà il project cun gronda maioritad.

In schuldà vid in exercizi cun ina granata cunter chars armads. Bild in Lightbox öffnen.

Legenda da maletgs: In schuldà vid in exercizi cun ina granata cunter chars armads. Keystone

L'armada duai vegnir reducida sin 100’000 umens, dentant esser equipada cumplettamain e daventar pli agila per la mobilisaziun. Plinavant duai l'armada svizra custar maximal 5 milliardas francs ad onn. Quels parameters aveva il parlament gia decidì pli baud.

Plinavant fa il Cussegl federal la proposta da scursanir la scola da recrut da 21 sin 18 emnas. Ils curs da repetiziun duain cuzzar be pli duas emnas. Il Cussegl dals chantuns è d’accord da scursanir la scola da recrut, dentant betg cun curs da repetiziun pli curts. Tenor il Cussegl dals chantuns duain quels cuzzar vinavant trais emnas. Perencunter duai dar be pli tschintg curs da repetiziun enstagl da sis.

Tenor il concept dal Cussegl dals chantuns fissi da frequentar 245 dis da servetsch, tenor il concept dal Cussegl federal 225 dis. Oz vegn frequentà 260 dis da servetsch.

RR novitads 14:00