Siglir tar il cuntegn
Inhalt

Mesiras repressivas Pli paucas dumondas per indemnisaziun che spetgà

Pir 2'500 unfrendas da mesiras repressivas preventivas han inoltrà ina dumonda per ina indemnisaziun finanziala. Las autoritads appelleschan als pertutgads da far valair lur dretg.

Inoltrada da l'iniziativa da reparaziun a Berna.
Legenda: Il december 2014 è vegnida inoltrada l’iniziativa da reparaziun grazia a la quala las unfrendas da las mesiras repressivas han ussa dretg sin in’indemnisaziun finanziala da enfin 25’000 francs. Keystone

Pli paucas persunas che spetgà han dumandà fin uss il sustegn federal per anteriurs uffants plazzads ed unfrendas da mesiras repressivas preventivas. L'onn passà aveva il Parlament federal dà liber 300 milliuns francs, quai sco cuntraproposta a l’iniziativa da reparaziun.

Tenor Lucius Mader, il vicedirectur da l'Uffizi federal da giustia han els survegnì 2'536 dumondas dapi il prim da december 2016. Il Cussegl federal quinta cun 12’000 fin 15’000 unfrendas ch'avessan il dretg sin in tal sustegn finanzial.

Las unfrendas han anc peda fin ils 31 da mars 2018 da dumandar per sustegn. Previs è che mintga persuna survegn tranter 20’000 e 25’000 francs.

RR actualitad 17:00