Svizra - Pli paucas novas firmas en Svizra pervia ferm franc
Suenter che la Banca naziunala svizra ha abolì il curs minimal da l'euro èsi vegnì fundà 1,3% damain firmas en Svizra ch'anc avant in onn. Quai demussa ina elevaziun da «Startup.ch» e da l'Universitad da Son Gagl.
Igl è l'emprima giada dapi dus onns ch'il dumber da las firmas fundadas da nov e tschessà. El resta dentant cun bun 41'000 novas firmas fundadas il 2015 vinavant sin aut nivel, pertge la marca da 40’000 era vegnida cuntanschida l'emprima giada il 2013.