Siglir tar il cuntegn
Inhalt

Svizra Pli paucs giasts era il schaner

La hotellaria svizra ha danovamain nudà damain pernottaziuns il schaner. Cun 2,8 milliuns pernottaziuns è il dumber da pernottaziuns en Svizra sa reducì per passa 1% cumpareglià cun il schaner da l'onn passà.

Chombra da hotel cun letg e maisa
Legenda: En Svizra è il dumber da pernottaziuns sa reducì per 1%. Keystone

Quai èn 30’000 persunas pli pauc che han passentà ina notg en in hotel svizzer.

I mancan ils giasts da l’exteriur.

Tenor las cifras provisoricas da l'Uffizi federal per statistica ha quai dà ina clera reducziun surtut tar ils giasts da l'exteriur. Cun 1,4 milliuns hajan quels generà 2,6% damain pernottaziuns.

Tar ils giasts indigens perencunter han ils hotels pudì registrar in plus da 0,6%.

Il Grischun è glisch cotschna

l pli fitg ha il Grischun patì il schaner cun 2 % damain pernottaziuns, quai èn 14’000 persunas pli pauc che l'onn avant.

RR novitads las 17:00